Ndodhi që Cruz tek Milan bëri shumë pak ose aspak, ndërsa “Checco” Moriero tek Inter kaloi një sezon të jashtëzakonshëm, i cili i bëri të mundur të fitonte një vend si protagonist në Botërorin e Francës, ku luajti të gjitha ndeshjet. Arriti deri atje duke shënuar gola përrallorë, si roveshata kundër Neuchatel Xamax, në Kupën e Uefa, ose një galopim mbreslënës duke kaluar lojtarët e Picancës një nga një, në një ndeshje të Serisë A që Interi i Ronaldos hasi vështirësi ta zhbllokonte. Francesco në gjysmën e pjesës së dytë mori topin brenda mesfushës së tij dhe filloi të vrapojë, si Forrest Gump. “Pasoje!” bërtiste Gigi Simoni nga stoli, por Moriero kishte parë një spirale kalimi dhe vazhdonte driblimin. Një, dy, tre kundërshtarë, para se të hynte në zonë dhe të gjente diagonën fituese. Një gol i denjë për Ronaldon, i cili në atë stadium kishte shënuar një të ngjashëm në Kupën e Italisë.

Ai mori pseudonimin “Sciuscià“, një term napolitan që përdorej për “lustruesit” e këpucëve, nisur nga gjesti që “Checco” i bëri Alvaro Recobas pas një dopiete të mrekullueshme të Uruguajanit në debutimin kundra Brescias. Prej atëhere, Moriero e bënte gjestin sikur lustronte këpucën e ndonjërit prej shokëve të ekipit, pas ndonjë goli të bukur: por në atë sezon, shpesh qëlloi që shokët e tij tja lustronin këpucën atij.

Francesco Moriero ka lindur në Lecce më 31 mars 1969. Në karrierën e tij, ka veshur fanellat e Lecces, Cagliarit, Romës e Napolit, përveç fanellëns së Interit ku qëndroi për tre sezone, duke shënuar dhjetë gola në total dhe duke fituar 1 Kupë Uefa. Me Kombëtaren Italiane numëron 8 paraqitje dhe 2 gola, të dy ndaj Paraguajit.