Image Image Image Image Image Image Image Image Image Image

Inter Club Albania | June 25, 2019

Scroll to top

Top

23 views
13225036_1096698060373739_2061045901_o

#110Inter – Xhaxhai

#110Inter – Xhaxhai
Inter Club Staff

“Po ti sa vjeç je”, pyeti Giampiero Marini, një nga senatorët e Interit. “17” u përgjigj ai. “Eh, dukesh si xhaxhai im me ato mustaqe”, ja ktheu përsëri Marini. Legjenda e Beppe Bergomit, i njohur nga të gjithë si “Zio”, në shqip “Xhaxhai”, filloi pikërisht kështu, me një bisedë në dhomat e zhveshjes së Interit në fillim të viteve 80′. Bergomi dukej tashmë si një djalë i pjekur, dhe ndoshta ai ishte me të vërtetë i tillë. Në moshën 16 vjeçare, ai ngelet jetim nga babai, dhe lajmi i mbërriti pikërisht kur ishte në grumbullim me kombëtaren e moshave. Në moshën 17 vjeçare ai debutoi në Serie A dhe kur ishte 18 vjeç, fitoi Kupën e Botës në Botërorin e vitit 1982 në Spanjë si titullar. Kur arriti moshën madhore, kishte përvojën e një veterani, si brenda fushe ashtu edhe jashtë saj. Dhe në fakt ishte vetëm në fillimet e një karriere legjendare.

“Shumë shpesh mendoj për tim atë, dhe pengu im më i madh është që ai nuk arriti të më shohë Kampion Bote. Po kush do ta mendonte një gjë të tillë në moshën 16 vjeçare?”

Njëzet sezone vetem me fanellën e Interit, me të cilin ai luan 756 ndeshje, 519 prej të cilave në Serinë A, e arriti të fitonte 1 Kampionat, 1 Kupë Italie, 1 Superkupë Italie dhe 3 Kupa Uefa. “Xhaxhai” ishte një nga flamujt dhe kapitenët legjendarë të Inter, por nëse ai arriti të qëndronte aq gjatë në botën e futbollit, kjo është pikërisht falë këmbënguljes dhe inteligjencës së tij taktike. Sepse midis viteve ’80 dhe ’90 futbolli ndryshoi shumë. U kalua nga markimi “tek për tek”, në të cilën Bergomi ishte ekspert, në mbrojtjen zonale, por Beppe ja doli të përshtatej më së miri duke arritur rezultate të shkëlqyera.

Ai kishte aftësi të shkëlqyera atletike dhe për këtë arsye, luajti shumë sezone si mbrojtës krahu, ndërsa vitet e fundit të karrierës u zhvendos si mbrojtës qendre. Dhe nuk ishte rastësi që në vitin 1998, pas plot 7 viteve mungesë, u grumbullua nga Cezare Prandeli, për të luajtur Botërorin e tij të katërt. Por ëndrra për të përfunduar karrierën e tij, njëlloj siç e filloi, me një Kupë Bote, u pre në mes nga penalltitë në ndeshjen me Francën.

Giuseppe Bergomi ka lindur në 22 Dhjetor 1963. Gjatë gjithë karrierës së tij ka veshur vetëm fanellën e Interit, ku ka qënë edhe kapiten. Në njëzet sezonet tek zikaltërit, ai luajti 756 ndeshje, duke shënuar 23 gola. Në karrierën e tij ai fitoi një kampionat, një Kupë Italie, një Superkupë Italie dhe tre Kupa UEFA. Me ekipin kombëtar Zio luajti katër kampionate botërore dhe fitoi atë të vitit 1982. Me të kaltërit ka koleksionuar gjithsej 81 paraqitje duke shënuar 6 gola.

© Ndalohet riprodhimi i lajmeve pa lejen e Inter Club Albania.