Derby, ja si do te luante Interi sot ndaj Milanit. Nderkohe Icardi dhe Miranda…
Vetem gjashte dite larg nga derby i Madonnines qe mund te vendos rrugetimin perfundimtar te Interit dhe Milanit, ne shtepine zikalter ka te reja te rendesishme per sa i perket rikthimit te titullareve Joao Miranda dhe mbi te gjitha Mauro Icardit, qe mungon tashme prej 4 ndeshjesh per shkak te nje demtimi te mare ne stervitje.
Lajm shume i rendesishem ky per Luciano Spallettin qe me ne fund mund te hedhe ne fushe golashenuesin e skuadres, ate qe ne ndeshjen e pare dogji i vetem Milanin me tre golat e tij qe do te mbeten pergjithmone ne historine e qytetit te Milanos. Prezenca ne fushe e Mauro Icardit eshte nje lajm i mire per Interin por nje lajm shume i keq per Milanin, sepse do te duhet te ruhen shume here me mire ne zonen e rreptesise. Por rikthimi i kapitenit te Interit mbase do te jete edhe frymemarrja e skuadres zikalter qe ka pasur mjaft veshtiresi ne gjetjen e rrjetes ne ndeshjet e kaluara.
Ne prag te derbyt, Spalletti do i duhet te reflektoje mbi te gjitha per modulin dhe lojtaret qe do te hidhen ne fushe nga minuta e pare. Por sic ka ndodhur ne periudhen e fundit, kush niset ne prapavije, ka fituar terren mbi titullaret ‘historik’ te fillimit te sezonit sepse shume nga ta kane qene jashte forme ne ndeshjet e fundit. Ne vecanti, ne mesfushe pritet te behen zgjedhjet e para te rendesishme: eshte i sigurt rikthimi i Borja Valeros pas nje turni pushim te nevojshem, dhe pozicioni i tij do te varet nga prezenca e Rafinhes ne fushe. Per kete te fundit duhet pritur fundi i javes dhe menyra se si do te stervitet per te pare nese do te jete ne formacion ose do e nise edhe nje here tjeter nga pankina. Nese do te luaje, do te ishte hera e dyte radhazi si titullar dhe ne kete rast Borja do te rikthehej ne ‘mediana’, perpara mbrojtjes me shok reparti Matias Vecino ose Roberto Gagliardini. Ish-lojtari i Atalantes, per karakteristikat qe ka, mbase do te jete ai lojtari qe do te luaje nga minuta e pare, por veshtiresite qe ka treguar ne ndeshjet e fundit mund te bejne qe Mister Spalletti ta mendoje dy here kete zgjedhje. Nese Rafinha do e niste nga pankina, te dy mund te luajne nga minuta e pare, pikerisht si ndaj Beneventos. Sot per sot, Marcelko Brozovic eshte prapa ne hirarkine e formacionit titullar.
Nese ne menyre surprize, tekniku italian i Interit do te hiqte dore nga formacioni me tre sulmues e do te luante me nje romb, eshte e mundur qe Ivan Perisic te perdoret si mesfushor qendror i majte, me Borja Valeron perpara mbrojtjes, Vecino ne qender te mesfushes se djathte dhe Rafinha trekuartist. Nje rol ky i fundit qe mund te shikoje ne lufte per nje bluze titullari edhe Antonio Candreven dhe Marcelo Brozovic. Kjo zgjedhje teknike do i jepte Interit mundesine qe te mbushte qendren por gjithashtu te luante me dy sulmues, me Eder perkrah Icardit. Por 4-2-3-1, ne kete moment, duket si opsioni me i mundshem dhe me i besueshem ne prag te derbyt. Ne fakt shume do te varet edhe nga gjendja e Rafinhes, i cili sot per sot shihet si ‘ylli ndricues’ zikalter.
Nese derby do te luhej sot, ky do te ishte rreshtimi ne fushen e lojes:
4-2-3-1: Handanovic, Cancelo, Miranda, Skriniar, D’Ambrosio, Gagliardini, Borja Valero, Rafinha, Perisic, Candreva, Icardi.