Po i impresionon te gjithe pozitivisht keto dite gjate grumbullimeve, me disa numra te rendesishem. Mauro Icardi po ben te enderrojne tifozet ZiKalter, enderra qe i ka dhe vete sulmuesi italo-argjentinas. Per kete ka folur vete lojtari ne nje interviste per Olé, ku shpjegoi se çfare pret ai nga kjo aventure e re qe e pret: “Tek Interi dua te rritem shume dhe te marrim rezultatet me te mira te mundshme. Dua te rritem, te mesoj dhe te zhvillohem si lojtar.” Mbase me ndihmen e dy bashkekombesave te tij Javier Zanetti dhe Esteban Cambiasso: “Kam folur me ta, e di qe do te me ndihmojne por tani qe jam ne klub dua ti njoh te gjithe shoket e skuadres.“

Icardi me pas foli per historine e tij si lojtar, dhe kujtojme qe ajo eshte karakterizuar dhe nga nje kalim tek te rinjte e Barcelones: “Ajo eksperience ne Masia ka qene madheshtore, aty kam mesuar konceptet baze per tu bere nje futbollist. Çfare lloj lojtari jam? I forte dhe potent, me nje goditje te mire dhe finalizim te mire.” Icardi ,me origjine nga Rosario, eshte rritur larg vendit te tij: “Mbaj akoma lidhje me argjentinasit: muzika, ushqimi, theksi. Theksin po arrij ta permiresoj tani duke folur me shoket argjentinas qe kam ne skuader.” Me pas ai foli per sezonin e kaluar me Sampdorian: “Ishte nje sezon me te vertete i mire, duke pare qe ishte sezoni imi i pare ne Serie A. Trajneri Delio Rossi me ka dhene hapesira dhe erdha me 10 gola, maksimumi qe kam arritur ne nje sezon te vetem. Besoj se tek Interi do te arrij ta kaloj kete numer.“

Çfare do te thote te vish tek Interi per Mauro Icardin? “Te vij ne nje nga klubet me te medha ne bote eshte diçka speciale per mua. Shpresoj te bej me te miren time per tifozet dhe skuadren. Mezi po pres te filloje sezoni.” Mbyllja me kapitullin e kombetares argjentiase: “Nese dua te luaj ne miqesoren me Italine? Natyrisht, jam argjentinas, nese debutimi im do te jete kunder Italise ne 14 gusht akoma me mire…Shoket e rinj tek Interi me kane dhene keshilla se si ta perballoj sfiden e Seleccion. Tani duhet te punoj per te kapur kombetaren, kam pasur mundesine te flas me Alejandro Sabella ne Itali, me ka pare dhe duke shenuar. Ndoshta me Lionel Messin, do te me pelqente te luaja krah tij.“

© Ndalohet riprodhimi i lajmeve pa lejen e Inter Club Albania.