Perisic: “Goli im? Një top i përsosur nga Banega. Nuk dorëzohemi dhe në qoftë se vazhdojmë kështu…”
Ivan Perisic, autori i dy golave në ndeshjen kundër Cagliarit për Inter Channel e ka komentuar kështu këtë përballje: “Goli i parë është meritë e një aksioni të bukur nga Banega, më ka parë në momentin e fundit, më dha një top të përsosur, e kontrollova mirë dhe pastaj goditja nuk ishte diçka e vështirë. Gjëja më e rëndësishme është që kemi fituar. Gjatë gjithë javës kemi punuar mirë, jemi stërvitur shumë dhe tani duhet të vazhdojmë kështu. Ne besojmë gjithmonë, nuk dorëzohemi asnjëherë, kemi 11 ndeshje, 33 pikë, do të luajmë deri në fund, mirëpo duhet të luajmë sikur sot, duke e dhënë maksimumin në të gjitha ndeshjet, vetëm kështu mund të arrijmë në vendin e tretë. Në pjesën e parë ishte më e vështirë, pësuam një gol, pastaj shënuam përsëri. Pas pjesës së parë trajneri na tha të vazhdojmë kështu dhe ne luajtëm edhe më mirë. Rreshtimi? Vendos trajneri, duhet ta dëgjojmë atë, 3-4-3, 4-2-3-1, është ai që vendos”.