Dy ditë larg ndeshjes Inter–Juventus, “xhuxhi” zikaltër Xherdan Shaqiri ka folur për mikrofonët e Sky Sport. Këto janë fjalët e tij, pikërisht përpara ndeshjes që i pret zikaltërit të shtunën në “Meazza”: “Lojtari i ndeshjes kundër Juventusit? Shpresoj! Por e rëndësishme është që skuadra të luaj mirë dhe të fitoj. Ata kanë eksperiencë të madhe, do të vijnë në Milano për të fituar, por ne do të japim maksimumin, po luajmë mirë dhe do të provojmë ta bëjmë të njëjtën gjë edhe të shtunën”. Numri 91 i zikaltërve, pastaj, përqëndrohet në pozicionin e tij në fush dhe për angazhimin e tij nga trajneri: “Kam luajtur në pozicione të ndryshme, jam në dispozicion të trajnerit dhe të asaj që ai ka nevojë. Ndeshjet e fundit në stol? Është futboll, nuk është një problem, trajneri gjithmonë merr vendimet më të mira për skuadrën dhe ne të gjithë punojmë për të mirën e skuadrës. Vitin e ardhshëm do të punojmë që të fitojmë tituj së bashku”.

© Ndalohet riprodhimi i lajmeve pa lejen e Inter Club Albania.