Agjenti i Gabigol: “Gabriel nuk eshte i lumtur, nuk ka pasur asnje mundesi. Ne janar…”

Deklarata te forta nga Wagner Ribeiro i intervistuar nga Radio Bandeirantes per te folur per Gabriel Barbosa.

Agjenti i sulmuesit te ri zikalter ka thene keto fjale dje: “Gabriel nuk eshte aspak i lumtur ne kete moment. Nuk eshte ceshtje mardheniesh me shoket e skuadres, sepse ai shkon shume mire me ta. Problemi eshte qe nuk ka pasur asnje mundesi te vetme per te zbritur ne fushe, per te treguar sa vlen. Ne janar duam qe kjo ceshtje te zgjidhet – vazhdon Riberiro. De Boer, pak perpara se te largohej i tha Kia Joorabchian se me Gabriel nuk kishte asnje problem, por tani edhe Pioli, pikerisht si hollandezi, nuk po i jep nje mundesi djaloshit. Nese nuk hyn ne fushe edhe kur Interi eshte ne disavantazh te tre golave si ne Napoli, me falni, po kur do luaje?“, pyet agjenti i Gabriel Barbosa.

Wagner Riberio ka shpjeguar me pas se nje rikthim tek Santos nuk eshte plotesisht per tu perjashtuar. “Ekziston kjo mundesi qe ai te rikthehet ne Brazil ne 2017, edhe pse eshte e veshtire: per te do te ishte nje hap prapa, nje humbje. E me pas do te ishte edhe ceshtja e vendit si ekstra-komunitar tek Interi: duke shkuar ne Brazil do te humbiste kete vend te zene ne momentin qe u ble. Ja pse eshte me i thejshte nje kalim i tij, gjithmone ne huazim, tek nje klub tjeter italian.”