Gazzetta – Rinovimi i Icardit: mungon vetem nje detaj perpara se te hidhen firmat! Wanda dhe Mauro…

Mauro Icardi eshte nje nga temat e nxehta ne shtepine Inter qe prej perfundimit te kampionatit e deri me sot. 

Media te ndryshme vazhdojne te shkruajne per nje interes shume te larte te Juventusit qe deshiron ta marre ne Torino lojtarin, por nga Milano bejne me dije se kjo eshte e pamundur.

Jo vetem per shkak te vullnetit te Interit per te mos e bere shkembimin Higuain-Icardi, por edhe per shkak te deshires se kapitenit qe deshiron ta luaje Championsin me bluzen e Interit.

Eshte pikerisht kapiteni i Interit ai qe Championsin e arritur nga zikalterit e konsideron edhe si te tijen dhe e shikon si te pakuptimte nje largim dhe mbi te gjitha, tek Juventusi.

Ne merkato kurre nuk duhet te thuash kurre, por per momentin gjerat jane keshtu.

Por nderkohe qe Mauro Icardi per pak dite rikthehet nga pushimet ne Afrike me gruan-agjente Wanda Nara, sipas asaj qe tregon Gazzetta dello Sport ne faqet e saj, kete jave nuk do te kete asnje takim per ceshtjen e rinovimit.

Kjo gje sepse ne kete moment Piero Ausilio ndodhet jashte Italise.

Sipas asaj qe vazhdon te tregoje e perditshmja italiane, zikalterit jane te gatshem te ofrojne per kapitenin e tyre 6  milione euro ne sezon, por mungon nje detaj ne kete marreveshje: nuk jane percaktuar ende bonuset qe do te perfitoje Maurito dhe qe nepermjet tyre ai do te kishte nje rritje te ndjeshme te rroges ne varesi te rezultateve sportive personale por edhe te skuadres.

Me pak fjale, qe Icardi te arrije tek nje rroge 8 milione euro, do i duhej te bente nje sezon sportiv shume te mire personal por edhe skuadra duhet ta kete rendimentin goxha te larte. 

Per momentin takimi eshte shtyre me nje jave dhe pas te dieles, Maurito do te takohet bashke me Ausilion dhe gruan e tij dhe me shume mundesi do te firmose marreveshjen e re me Interin e cila do te percaktoje nje rritje te klauzoles ose nje heqje perfundimtare te saj.