Inter, sapo kane nisur tratativat per rinovimin Icardit: Ausilio takon Wanden, ja oferta e klubit per te

Mauro Icardi eshte gati te firmose deri ne 2023.

Gjithmone nese drejtori sportiv i Interit, Ausilio dhe gruaja-agjente e tij Wanda Nara te gjejne gjuhen e perbashket per kontraten e re.

Por ka lajme te mira sepse heret ose vone do te vije edhe firma ne kontrate. Mbetet per tu kuptuar se kur.

Keshte shkruan sot Corriere dello Sport qe nuk ndalet me kaq dhe vazhdon edhe me tej per autorin e golit te pare ndaj Fiorentines ne fundjave:

“Pas disa telefonatave ne qershor, korrik dhe gusht, javen e kaluar Ausilio eshte takuar per here te pare me Wanda Naren per te folur nga afer. Takimi balle per balle ka ndodhur ne zyrat e Interit ku prokuratorja e Mauros i ka bere nje vizite Ausilios.”

“Interi i ka perseritur ate qe drejtuesit nuk e kane mohuar as perpara kamerave: zikalterit duan ta rinovojne kontraten e kapitenit qe skadon ne 2021 dhe normalisht do te kete nje rritje rroge per te.”

“Aktualisht Maurito perfiton 4,9 milione euro ne sezon plus bonusin prej 10% (rreth 500 mije euro) per kualifikimin ne grupe ne Champions dhe 200.000 euro per cdo 10 gola te shenuar.”

“Propozimi i Interit eshte qe rroga fikse tek aloje ne 6 milione euro por kuota qe deshiron te kape Icardi te kapet me nje sere bonusesh (mbase me shifra me te larta se ato ekzistuese) dhe qe te shkojne ne nje linje me fitoret e skuadres. ”

“Wanda Nara ka degjuar propozimin e Interit dhe ka marre kohe sepse deshiron disa kushte me te mira per klientin e saj. Nese gjate merkatos do te ishte prezantuar ndonje skuader per te paguar klauzolen e tij, Wanda do te kishte kerkuar 8 milione euro ne sezon per Mauron por duke qene se oferta konkrete nuk ka pasur, kjo shifer eshte e pamundur. ”

“Por kjo nuk do te thote se Wanda nuk do te tentoje qe te perfitoje dicka me shume se propozimi i Interit por per momentin Ausilio nuk ka ndermend te rrise oferten.”

“Eshte nje loje shahu ndermjet paleve por siguria ne kete moment ekziston tek palet qe Icardi do te firmose dhe se gjithcka eshte ceshtje kohe.”

“Mauro e ka thene disa here kete gje: deshira e tij e vetme ne mendjen e tij eshte qendrimi ne Milano me ngjyrat zikalter.”

Kujtojme qe ne kete mes Interi eshte pala qe ka deshire me te madhe qe ky rinovim te behet sepse zikalterit deshirojne te anullojne klauzolen prezente ne kontraten e tij.