Isla tek Inter, por me kushtet e Juves. Tani Nainggolan. Nese iken Pereira…

Walter Mazzarri, ne fund, eshte kenaqur. Sic mbahet mend, eshte tekniku i pare pas-Mourinhos me te cilin shoqeria nuk ka bere blerje pa ja marre mendimin. Kuyt, Mascherano per Benitezin nuk erdhen kurre, Leonardos u mjaftua me opracionet e programuara me pare (Ranocchia dhe Pazzini); Gasperini nuk u ‘pranua’ asnjehere plotesisht; Ranieri e humbi ne janar edhe Thiago Mottan; Stramaccioni u kenaq me blerjet e klubit. Tani Mazzarri kerkoi, dhe i mori ato qe kerkoi. Edhe me kushtin qe te ‘ulej koka’ para kerkesave juventine.

Mauricio Isla, ne fakt, do te vije ne Pinzolo, por vetem per arsye se Interi beri hapin perpara drejt kerkesave te Juventusit, i cili nuk levizi aspak nga kerkesa fillestare. Agnelli kerkonte 7,5 milion per gjysmen e kartonit dhe aq do te marre (formula do te percaktohet, mes parave fikse dhe bonuseve). Nje pagese e konsiderueshme per nje lojtar qe vjen nga nje demtim i keq dhe prej nje viti pothuajse nuk luan. Pa llogaritur, qe Interi do te jete i detyruar te bleje edhe gjysmen tjeter te kartonit nga Udinese per 1 vit. Ne kohe krize, me te vertete nje shume e madhe.

Tani qe u mbush boshlleku ne krahun e djathte, do te filloje ndjekja per mesfushorin qe Walter Mazzarri kerkon. Ne krye te listes, dihet, eshte Radja Nainggolan, per te cilin Cellino kerkon shume. Ndoshta teper. Wellington kthehet ne qender te zerave pas stopimit te tratativave me Galatasaray, por ka karakteristika te ndryshme nga belgu. Ndoshta mund te kete edhe ndonje emer te ri, por duhet ta harrojme Fabregaz, qe nuk do te vinte edhe nese do te zhbllokohej tratativa me Erick Thohir.

Kujdes edhe per krahun e majte. Nagatomo dhe Alvaro Pereira, per momentin, jane ata qe do te ndajne fanellen e titullarit, por me japonezin favorit mbi uruguajin. Por per ish Porton nuk mungojne kerkesat, edhe pse per momentin shifrat e propozuara per te nuk e kane kenaqur Morattin, qe pagoi 10 milion 12 muaj me pare (plus 5 bonus, te cilat nuk u realizuan). Ne rast te largimit te Pereira, Branca dhe Ausilio duhet te kerkojne nje tjeter lojtar krahu te majte dhe eshte per kete qe dy drejtuesit nuk do gjenden te papregatitur. Tratativa qe mund te fillojne ne rast nevoje jane ato per Kolarov, per te cilin per momentin nuk po flitet shume, por nuk harrohet.

Por ne cdo rast, Mazzarrit do i plotesohen deshirat, ashtu sic ka ndodhur deri tani.