Marca – Superkupa Europiane, Lopetegui ka vendosur, Modric nuk do te luaje: ja motivi

Luka Modric vazhdon te mbetet ne qender te mendimeve dhe te deshirave te Interit. 

Kroati gjate javes se kaluar ka qene tema kryesore ne Itali dhe ne Spanje per nje kalim te mundshem ne Milanon zikalter, por gjithcka e frenoi Perez dhe deshira e tij e hekurt per te mos e lene te largohet.

Pavarsisht deshires se tij te madhe per tu transferuar tek Interi, deri me tani cdo gje eshte bere shume e veshtire per shkak te murit te larte qe ka ngritur Real Madrid.

Por nderkohe, sipas asaj qe thote gazeta e perditshme spanjolle Marca, Julen Lopetegui do te lere ne pankine kroatin e ai nuk do te luaje (te pakten nga minuta e pare eshte e sigurt qe jo) ne ndeshjen e Superkupes Europiane ndaj Atletico Madrid qe do te luhet ne 15 gusht ne Tallin te Estonise.

Sipas Marca, ne fakt, tranjeri i ri i Los Blancos nuk ka ndermend ta hedhe ne fushe nga minuta e pare kroatin ndersa per sa i perket te tjereve – duke perjashtuar Cristiano Ronaldon qe nuk eshte me – ai do te hedhe ne fushe te njejtin formacion si ne finalen e Kiev.

Nderkohe Casemiro dhe Marcelo ashtu si Modric jane dy elemente qe kane ardhur me vone se te tjeret ne Madrid, por ato do te hidhen ne fushe nga minuta e  pare.

Por sipas Marca, Nacho, Llorente dhe Ceballos nuk ofrojne te njejten garanci si dy brazilianet, por nderkohe Isco dhe Asensio mund ta mbulojne fare mire Modric duke qene se jane dy lojtare te afirmuar.

E perditshmja spanjolle thote se motivi i gjithe kesaj eshte se dy lojtaret spanjoll jane te nje niveli si ai i Modric por asnjehere nuk dihet me siguri se cfare mund te fshihet vertete pas ketij vendimi te Lopetegui. Vetem koha do e tregoje.