Thohir revolucionon Appiano-n. Me Erick punohet keshtu…

Shume i qarte per t’u keqkuptuar. Erick Thohir e di ate qe do dhe u tregon te gjitheve rrugen e duhur per ta arritur. “Interi nuk duhet te shpenzoje para per lojtare qe pastaj perfundojne ne pankine, duam njerez qe i sherbejne me vertet skuadres dhe qe futen ne kerkesat e trajnerit.” Me qe ra fjala tek kerkesat, kerkesa e pare ka ardhur ne menyre te qarte, sipas vete Thohir: “Mazzarri me ka kerkuar blerjen e nje sulmuesi, kam folur me Branca-n, vendimet do t’i marrim te gjithe se bashku.” Pra, Interi eshte gati te hidhet ne merkaton e janarit per t’i dhuruar teknikut elemente qe do e lejojne te ngreje kualitetin e ekipit, qe e ndihmojne skuadren te ndryshoje marsh, edhe sepse, sic thote Thohir: “fondet nuk paraqesin problem, gjeja me e rendesishme eshte te shpenzohet me gjykim dhe marreveshje nga gjithe grupi i menaxhimit.“

“Shume klube europiane shpenzojne para per lojtare qe pastaj nuk luajne, ne nuk duam te bejme te njejten gje dhe kete vit nuk kemi nevoje per shume lojtare, edhe sepse kemi vetem 2 kompeticione per te luajtur. Nese do te ishte Champions, do ishte ndryshe. Ajo qe ka rendesi eshte te zero-jme bilancin ne 2 vjet.“

Pra koncepti i Erick Thohir eshte nje revolucion i vertete mendimi qe shume shpejt do te instalohet ne Appiano Gentile. Shume inteligjent manjati kur ka folur per merita dhe gabime te njejta tek te gjithe, te jep ndjesine qe nuk do te kete me vetem nje person te vetem qe do te jete pergjegjes per blerjet e bera. Shume me teper pergjegjesi do te kete tekniku Mazzarri, qe duhet te tregoje me detaj profilin e sakte te lojtareve qe kerkon. Tek Interi, mungonte prej koheve te Mourinhos nje ‘ndjenje’ e tille mes trajnerit dhe shoqerise.