Zanetti: “Icardi nuk do të shkojë në Rio, Sunning nuk do. Alario? Jo tani. E ardhmja ime…”

Javier Zanetti, ka folur për telvizionin argjentinas TyC Sports. Shumë tema të trajtuara, nga kombëtarja tek Interi dhe kapiteni Mauro Icardi. Ja fjalët e tij: “Icardi nuk do të jetë në dispozicion të Argjentinës për Lojërat Olimpike në Rio. Unë si argjentinas, shpresoj që skuadra të jetë garuese por tani Interi ka pronarë të rinj të cilët duan që të gjithë të qëndrojnë. Alario? Askush nga shoqëria jonë nuk ka negociuar për Lucasin, është një lojtar që e ndjekim por nuk do ta marrim gjatë këtij afati kalimtar. E ardhmja ime? Kam folur me Infantinon i cili më ka kërkuar t’i jap një dorë federatës argjentinase pas dorëheqjes së Gerardo Martinos, por unë kam nënshkruar me Interin përjetë dhe si zëvendës-president nuk kam shumë kohë dhe aty duhen njerëz që punojnë cdo ditë. Jam zikaltër që 21 vite dhe akoma gjendem në një pozicion të privilegjuar dhe me përgjegjësi të madhe”.