Gazzetta zbulon: “Zenka ndermjet Contes dhe Sarrit nuk eshte dicka e re: gjithcka e ka zanafillen plot 13 vite me pare.”

“Nuk dua te them asgje per Sarrin dhe ato qe ka thene ai sepse ndryshe duhet te hapim bilancet dhe pronat e paluajtshme.”

“Por mund te them vetem se dikush duhet te qendroje i qete sepse ne kete histori eshte nga ana e te ‘forteve’, apo jo?”

Kjo ishte kunja e hedhur nga Antonio Conte dje per Sarrin por qe sipas asaj qe thote La Gazzetta dello Sport, eshte thjesht e rradhes nder shume te tjera ne te kaluaren.

E perditshmja italiane eshte kthyer prapa ne te kaluaren dhe ka treguar se ku ka filluar gjithcka.

“Trembedhjete vite me pare, Sarri dhe Conte do te perballeshin ne Arezzo, ne Serie B.”

“Ishte nje pankine qe i pelqente te dy tranjereve. Conte shkarkohet ne fund te tetorit dhe zevendesohet pikerisht nga Sarri i cili ndryshoi totalisht pamjen e skuadres.”

“Por nderkohe qe skuadra luajti mire, ajo deshtoi te mblidhte piket qe duheshin. Ne ate kohe presidenti Piero Mancini therret perseri Conten ne ate detyre i cili ne maj 2007 thote:

“Nuk dua ti jap fajin askujt, por renia e pesuar nga skuadra ne janar dhe shkurt eshte tek syte e te gjitheve”.

Nje kunje jo e vogel per Sarrin kjo. Sa per kroniken, Arezzo ne fund te sezonit nuk e evitoi dot renien nga Serie B sepse ate sezon kishte edhe nje penalizim ne pike.”

Nderkohe, ka edhe nje ngjarje tjeter qe ka te beje me Chelsean sepse Sarri zevendesoi ne Londer pikerisht Antonion.

Conte u largua nga Chelsea jo mire duke perfunduar edhe ne dyert e gjykates me ish-klubin e tij (ndeshje te cilen e ka fituar tekniku).

Sarri nderkohe qe kishte shume pak kohe qe kishte filluar te sterviste Chelsean, ne nentor tregon: “Nuk e prisja nje nisje kaq te mire. Ketu nuk kam gjetur ndonje organizim taktik shume te madh.”

Ne shkurt me pas ai e ngre akoma me shume dozen:

“Ketu ideja ishte te luhej dhe te fitohej me nje modul tjeter, duke luajtur me kundersulm. Por jo, une jam nje endrrimtar dhe lojtaret e mi dua qe te luajne sipas vizionit tim, me mbajtje topi dhe me kontrollin e ndeshjes.”