Marca – Reali gati sulmin per Icardin, kontakte me Wanden: Kovacic ne oferte? Ja shifrat dhe detajet!

Sot ka qene nje dite teper e rendesishme per ceshtjen Icardi qe gjate ketyre javeve u duk sikur zgjati ne pafundesi. 

Ish-kapiteni zikalter per plot 36 dite me radhe u veteperjashtua nga skuadra duke thene se ka dhimbje ne gju e duke mos u deklaruar i gatshem per te luajtur.

Por sot ka ndodhur gjeja me e rendesishme: Icardi eshte kthyer ne grup dhe ka zhvilluar nje pjese te stervitjes me shoket ne Appiano (gjysma e skuadres eshte prezente, gjysma tjeter eshte e grumbulluar neper kombetaret respektive), ndersa nje pjese tjeter ai e ka zhvilluar i vetem duke qene se ka kohe pa zhvilluar nje seance te plote stervitore dhe deshiron qe te rekuperoje formen e tij ne prag te ndeshjes ndaj Lazios.

Por nderkohe qe ai eshte rikthyer ne skuader, mediat nuk i kane shuar zerat qe e shikojne Mauro Icardin te larguar nga Interi ne fund te sezonit.

Ne Spanje kane goxha bindje se Icardi do te perfundoje tek Reali i Madridit ne vere qe po kerkon nje sulmues qe shenon shume.

Sipas asaj qe shkruan Marca, klubi i Florentino Perez ka folur disa here me Wanda Naren ne te kaluaren dhe sidomos ne muajin e fundit ka pasur disa kontakte te tjera.

Madje dje Wanda Nara ka qene ne Madrid edhe pse versioni zyrtar eshte se ajo ka qene atje per motive ekstra-futbollistike. Sipas te perditshmes spanjolle, cmimi i Icardit ne merkato ka rene goxha prej krizes me Interin dhe ai sot do i kushtonte Real Madrid diku tek 50 dhe 80 milione eurove.

Sipas Marca, Reali ka gati nje oferte 50 milione euro plus kartonin e Mateo Kovacic, nje ish-lojtar i Interit qe eshte ne huazim tek Chelsea dhe qe eshte ende nje benjamin i tifozeve zikalter dhe i Ausilios.