Mancini-Mourinho, me ke jeni?

Nuk ka dyshime se me aksin Mancini-Mourinho Interi ka ndertuar legjenden e tij. Me dy super trajnere ne pankinen zikalter Interi ka gdhendur faqet e historise se tij. Pese skudeto te njepasnjeshme te shoqeruara nga kupa kombetare dhe kulmi vjen me tripleten e 2010. Por ka bere aq mire Mancio qe mund te thuhet se Tripleta eshte edhe merite e tij? Une mendoj se te dy kane qene decizive ne ndertimin e nje skuadre te madhe. Merita e Tripletes eshte eksluzivisht per tju atribuar Mourinho-s per menyren si e shikoj une por nuk mund te mohosh qe shume lojtare prezente ne ate skuader te madhe jane “zbuluar” nga Mancini. Mourinho ka ditur te kompletoje punen e paraardhesit dhe te beje ate kapercim te kualitetit deciziv qe per motive te ndryshme nuk arriti ta bente Mancio.

6 jane lojtaret titullar ne naten magjike te Madridit qe jane zbuluar dhe vleresuar nga Mancini. Julio Cesar ishte nje portier i panjohur por tekniku i Jesi-t e ka dashur patjeter duke paguar 0 € dhe duke bere qe ti marre vendin e titullarit Toldos. Me pas jane Maicon, Samuel, Chivu, Cambiasso (qe Mancini e merr nga Reali ne skadence kontrate) dhe Stankovic, nxenes i teknikut aktual te Galatasaray-it. Mou e ka kompletuar kete grup lojtaresh me lojtare te kalibrit te Eto`o, Pandev dhe Milito dhe per te mos harruar Thiago Motta. Mund te themi qe Mancini ka pergatitur per Mou nje terren te shendetshem mbi te cilen mund te ndertosh suksese akoma me te medha.

Une mbetem i mendimit se te dy tekniket kane qene fondamentale per sukseset e Interit, secili me menyrat dhe meritat e tij. Mou erdhi me 2008 ne Appiano ka revolucionuar menyren e te parit te gjerave, jo vetem te skuadres por edhe kush punonte brenda ne shoqeri, nga magazinieri deri tek Presidenti. Ndersa Mancio krijoi nje staf te tijin duke i vene te gjithe ne rresht dhe duke krijuar nje ambjent te gatshem per tu rinisur drejt sukseseve per vitet e panjohura per tifozet e Interit. Shkurt mendoj se sukseset e Mou jane vetem dhe vetem te tijat, por nuk mund ti heqesh meritat Mancinit, pervecse ka fituar shume ne Itali, arriti te pergatiste terrenin nje trajneri fitues dhe te vendosur si Mourinho. Ajo qe ka me shume rendesi eshte qe te dy jane te gdhendur ne zemrat e tifozeve zikalter, secili me fitoret e tij dhe me karakterin e tij sepse, duhet thene, se si e kane perjetuar dhe mbrojtur ata Interin e tyre nuk ka ditur askush ta beje nje gje te tille. Mbase per shkak te kesaj kane qene ne gjendje te fitonin kaq shume ku shume pak kane arritur tja dalin ne kete pankine te “nxehte”.