Marlos Moreno është i Interit sipas kolumbianëve, por kujdes nga një klub i madh evropian
Babai i talentit kolumbian ka thënë që do të transferohet tek një klub i madh evropian, në Kolumbi thonë se është Interi, por ka konkurrencë nga një vigan evropian.
Talenti i cili po e bën namin e po përmendet nga të gjithë në vendin e tij. Është Marlos Moreno, sulmuesi i Atletico Nacional për të cilin po të mos ishte për pasaportën ekstrakomunitare tashmë do të ishte i Interit. Mirëpo mediat kolumbiane janë të sigurta që së shpejti do të bëhet: babai ka thënë që do të transferohet tek një klub i madh evropian. Djaloshi i lindur më 1996 kushton 10 milionë, por Copa America mund të ndikojë në rritjen e cmimit dhe rrjedhimisht distanca në mes tij dhe Interit do të rritej, mirëpo pos pasaportës ekstrakomunitare, zikaltërit duhet t’i bëjnë llogaritë edhe për konkurrencën e Barcelonës.